प्रतिनिधी -जितेंद्र काटे
भुसावळ – तालुक्यातील सुनसगाव येथे बऱ्याच वेळा सांगूनही राहत्या घरा जवळील गटारीचे काम होत नसल्याने गेल्या दोन वर्षापासून एकही कामगार गटारीची साफसफाई करण्यासाठी आलेला नाही त्यामुळे माझे कुटुंबातील सदस्य आजारी पडण्याची शक्यता आहे त्यामुळे सुनसगाव ग्रामपंचायतीचे माजी सरपंच सतिश सुरेश पाटील यांनी आठ दिवसात गटारीचे काम सुरु न केल्यास ग्रामपंचायत कार्यालया समोर आमरण उपोषण सुरू करणार असल्याचे प्रसिध्दीस दिलेल्या निवेदनात म्हटले आहे. माजी सरपंच सतिश पाटील यांच्या राहत्या घरापासून सतिश सिताराम पाटील यांच्या गोठ्याला लागून विकासोच्या मागील बाजूस ही गटार आहे.
याबाबत सरपंच यांना विचारले असता लवकरात लवकर गटार साफसफाई व बांधकाम करण्यात येईल असे सांगीतले आहे.
