जळगाव संदेश न्युज नेटवर्क
जळगाव – : राष्ट्रवादी कॉँग्रेस पक्षाच्या अजित पवार गटाने महत्त्वाचा निर्णय घेतला असून, पक्षातील वरिष्ठ नेते अजितदादा पवार यांच्याविरोधात अर्वाच्य व गलिच्छ भाषेचा वापर करणार्या
गुलाबराव देवकर आणि त्यांच्या समर्थकांना पक्ष प्रवेशास बंदी घालण्यात आली आहे अजितदादा पवार व त्यांच्या समर्थकांवर गलिच्छ टीका केल्यामुळे पक्षाच्या शिस्तीचे पालन करत हा निर्णय घेण्यात आला आहे. पक्षाने स्पष्ट केले आहे की, अशा प्रकारच्या अपमानास सहन केले जाणार नाही.कार्यकत्यांना व पदाधिकाच्यांना याबाबत सूचना देण्यात आली असून, पक्षाच्या एकता व सन्मानासाठी शिस्तीचे पालन करण्याचे आवाहन करण्यात आले आहे.
गुलाबराव देवकर यांनी पक्षातील नेत्यांवर टीका करत अजितदादा पवार व त्यांच्या समर्थकांना अपमानित करण्याचा प्रयत्न केल्याचा आरोप करण्यात आला आहे. पक्षाच्या शिस्तीचे पालन व नेत्यांचा सन्मान राखण्यासाठी हा निर्णय घेण्यात
आल्याचे जळगाव जिल्हा राष्ट्रवादी कॉँग्रेस पक्षाच्या नेतृत्वाने स्पष्ट केले आहे.पक्षाच्या जळगाव जिल्हा शाखेने सर्व कार्यकर्ते व पदाधिकार्यांना याबाबत सूचित केले असून, पक्षाची शिस्त व एकता कायम राखण्याचे आवाहन केले आहे.
