जळगाव – येथे खुनाचे सत्र अध्याप पावेतो संपलेले नाही, त्याच प्रमाणे गुन्हेगारांनवर पोलीसांचा वचक राहिलेला नसल्यामुळे गुन्ह्याचे प्रकार सतत घडत आहे.
जळगाव शहरातील पिंप्राळा रेल्वे गेटजवळच्या मालधक्क्याजवळच्या गोदामा समोर काल रात्री उशिरा एका तरूणाचे डोके दगडाने ठेचून त्याचा खून केल्याची घटना घडली.
खून झाल्या बाबतची माहिती पोलिसांना मिळाल्यावर त्यांनी तपास करून संबंधीत तरूणाची ओळख पटवून मयत तरूण हा अनिकेत गणेश गायकवाड,रा. राजमालती नगर, जळगाव , असल्याची माहिती मिळाली असता पोलिसांनी या तरूणाच्या कुटुंबियांना पहाटे अडीच वाजता याबाबतची माहिती दिली.अनिकेत हा मिस्तरीचे काम करीत होता.या मृतदेहाच्या डोक्याचा भाग पुर्णपणे चेंदामेंदा केला गेलेला असून त्याचे बाजुला रक्ताने भरलेला मोठा दगड पडलेला होता.सदर प्रेताचा चेहरा ओळखु येत नसल्याने प्रेतांचे अंगावरील कपड्यावरुन व त्याचे हातातील कड्यावरुन व पायातील काळ्या रंगाचा दोर्‍यावरुन सदर प्रेत हे
ओळखले गेले,या बाबत अनिकेत चे वडील गणेश रमेश गायकवाड यांनी फिर्याद दिल्याने अज्ञात मारेकर्‍यांच्या विरोधात भादंवि कलम 302 अंतर्गत शहर पोलिसस्टेशनला गुन्हा दाखल करण्यात आला असून या प्रकरणी दोन संशयितांना ताब्यात घेतले असून पुढील तपास सुरू आहे.
