प्रतिनिधी -जितेंद्र काटे
भुसावळ -: महाराष्ट्र राज्य समता शिक्षक परिषदेचे राज्य अधिवेशन दिवाळी सुट्टी कालावधीमध्ये जळगाव येथे प्रस्तावित असून सदर अधिवेशनाच्या पार्श्वभूमीवर माध्यमिक विभागाचे प्रदेशाध्यक्ष भरत शिरसाट यांच्या अध्यक्षतेखाली संपन्न झालेल्या सभेत जळगाव पूर्व विभागातून महिला अध्यक्षपदी भुसावळ येथील मनीषा देशमुख यांची नियुक्ती करण्यात आली.
याप्रसंगी निवड समितीचे प्रमुख धनराज मोतीराय प्रमुख मान्यवर म्हणून उपस्थित होते. जळगाव येथे माध्यमिक शिक्षक पतपेढी येथे संघटनेच्या विशेष सभेचे आयोजन करण्यात आले होते. सन २०२५ ते २०३० या कालावधी करिता कार्यकारिणीची निवड करण्यात आली. यावेळी प्रदेशाध्यक्ष भरत शिरसाठ, प्रदेश उपाध्यक्ष रणजीत सोनावणे , उत्तर महाराष्ट्र विभाग कार्याध्यक्ष प्रमोद आठवले, खानदेश विभाग अध्यक्षा सरिता वासवानी, जळगाव पूर्व विभागाचे जिल्हाध्यक्ष योगेश गांधेले तसेच पदाधिकारी उपस्थित होते.