प्रतिनिधी – जितेंद्र काटे
भुसावळ – तालुक्यातील सुनसगाव – नशिराबाद रस्त्यावर दि.२१ मार्च रोजी रानडुकराच्या धडकेत मोटरसायकल व रिक्षा चा अपघात झाला होता यावेळी रिक्षा चालक व मोटरसायकल स्वार गंभीर जखमी झाले होते या अपघातातील जखमी आनंदा सपकाळे यांचा दवाखाण्यातून घरी आल्यावर मृत्यू झाला.
या बाबत सविस्तर माहिती अशी की , शुक्रवार २१ मार्च रोजी दुपारी ११:३० वाजेदरम्यान नशिराबाद रस्त्यावर प्रदिप रोटे यांच्या शेता जवळ भर रस्त्यात रानडुकर आल्याने दोन्ही रानडुकरांनी एकाच वेळी आनंदा नथ्थू सपकाळे ( वय ५७ ) हे सुनसगाव कडून नशिराबाद कडे रिक्षा क्रमांक एम एच १९ व्ही ३७१९ घेऊन जात असताना व (JSNN) जळगाव कडून सुनसगाव कडे कोलते नामक मोटरसायकल स्वार एम एच १९ बी एच ३३५७ होंडा ही गाडी चालवत असताना रानडुकरांनी धडक दिली. या धडकेत कोलते यांच्या उजव्या बाजूच्या बरगड्या व खांदा फँक्चर झाला तर आनंदा सपकाळे यांना मान व पाठीच्या मणक्याला रिक्षाच्या सिट च्या मागील लोखंडी पाईप लागल्याने मणक्याला गंभीर दुखापत झाली होती त्यामुळे त्यांच्यावर जळगाव येथील खाजगी दवाखाण्यात उपचार केले त्यात त्यांना घरी आणण्यात आले मात्र २८ रोजी सकाळी ११:३० वाजता अचानक त्रास होऊ लागल्यावर आनंदा सपकाळे यांचे निधन झाले. विशेष म्हणजे अपघात घडला त्या दिवशी शुक्रवार आणि वेळ ११:३० ची होती आणि निधन झाले त्या दिवशी शुक्रवार आणि वेळ ११:३० ची होती.
आनंदा सपकाळे हे चळवळीचे कार्यकर्ते तसेच बौध्द समाजाचे प्रबोधनकार व सामाजिक कार्यकर्ते होते ते रिक्षा चालवून आपल्या कुटूंबाचा उदरनिर्वाह भागवत होते. या परिसरात जंगली प्राणी रस्त्यावर येऊन वाहनांना धडकतात त्यामुळे अनेक अपघात घडतात आता तरी वनविभागाने रस्त्यावर फलक लावावेत अशी मागणी केली जात आहे. त्यांच्या पश्चात पत्नी , मुले ,सून ,मुलगी ,बहिणी ,मेहुणे ,नातवंडे असा परिवार असून ते राहुल व जिवन सपकाळे यांचे वडिल होते.
