शहरातील महाबळ परिसरात स्वीट मार्ट जवळून एकाच्या गाडीच्या डिक्कीत असलेली ९८ हजार रुपयांची रोकड लांबवण्याची घटना घडली आहे.याबाबत रामानंदनगर पोलीस ठाण्यात अज्ञात चोरट्यांवर गुन्हा दाखल करण्यात आला आहे.
पोलिस तक्रारी दाखल माहिती नुसार जळगाव शहरातील महाबळ कॉलनीतील रहिवासी असलेले आनंद रमेशचंद्र जैन (वय ४९) हे व्यापारी आहेत. ते शुक्रवारी (२१ ऑक्टोंबर) रात्री ११ वाजता दिवसभराच्या व्यवसायातून जमलेली ९८ हजार रूपयांची रक्कम गाडीच्या डिक्कीत ठेवून घरी निघाले होते. या दरम्यान त्यांच्यावर चोरट्यांची नरज होती.
किराणा घेण्यासाठी थांबले अन्
दरम्यान महाबळ परिसरातील घारपुरे स्वीट मार्टजवळून जात होते. या दरम्यान ते स्टॉपवरील किराणा दुकानात काही सामान त्यांच्या घेण्यासाठी दुकानाच्या बाहेर गाडी लावली असता अज्ञात चोरट्यांनी ९८ हजार रुपयांची रोकड चोरून नेल्याची घटना घडली. त्यांनी तातडीने रामानंदनगर पोलीस ठाण्यात तक्रार दिली आहे. त्यांच्या तक्रारीवरून अज्ञात चोरट्यांविरोधात गुन्हा दाखल करण्यात आला आहे. पुढील तपास पोलीस नाईक ज्ञानेश्वर पाटील करत आहे.
