जळगाव जिल्हा

🌾 खरीप २०२६ : २६५ तालुक्यांतील शेतकऱ्यांना दिलासा

4 October 2026

मुंबई, ३ ऑक्टोंबर २०२६ :

खरीप हंगामात राज्यातील दुष्काळी परिस्थिती जाहीर करण्यात आलेल्या २६५ तालुक्यांमधील शेतकऱ्यांना राज्य शासनाने दिलासा दिला आहे. मदत व पुनर्वसन विभागाने जारी केलेल्या शासन परिपत्रकानुसार संबंधित तालुक्यांमध्ये पीक कर्जाचे पुनर्गठन करण्यास तसेच शेतकी निगडित कर्जाच्या वसुलीस स्थगिती देण्याबाबत निर्णय घेण्यात आला आहे.

शासनाच्या परिपत्रकानुसार, खरीप २०२६ हंगामासाठी लागू करण्यात आलेल्या उपाययोजनांमध्ये पीक कर्जाचे पुनर्गठन आणि शेतकी निगडित कर्जाच्या वसुलीस स्थगिती या सवलतींचा समावेश करण्यात आला आहे.

दुष्काळग्रस्त तालुक्यांतील पात्र शेतकऱ्यांनी खरीप २०२६ मध्ये घेतलेल्या अल्पमुदत पीक कर्जाचे मध्यम मुदतीच्या कर्जात पुनर्गठन करण्यास मान्यता देण्यात आली आहे. तसेच शेतकी निगडित कर्जाच्या वसुलीलाही स्थगिती देण्यात येणार आहे.

शासनाने स्पष्ट केले आहे की, ज्या शेतकऱ्यांना निर्धारित मुदतीत पीक कर्जाची परतफेड करणे शक्य होणार नाही, अशा शेतकऱ्यांची संमती घेऊन त्यांच्या खरीप हंगामातील पीक कर्जाचे मध्यम मुदतीच्या कर्जात पुनर्गठन करण्यात यावे.

पीक कर्ज पुनर्गठनाची कार्यवाही संबंधित बँकांनी ३० एप्रिल २०२७ पर्यंत पूर्ण करावी, असेही शासन परिपत्रकात नमूद करण्यात आले आहे. तसेच पात्र शेतकऱ्यांना पुढील खरीप हंगामासाठी पीक कर्ज उपलब्ध करून देण्याच्या सूचना देण्यात आल्या आहेत.

Spread the love

🌾 खरीप २०२६ : २६५ तालुक्यांतील शेतकऱ्यांना दिलासा

ताज्या बातम्या

धूरफवारणीबाबत माहिती विचारणाऱ्या नागरिकाला ग्रामसभेत मारहाण!

अरबी समुद्रातील शिवस्मारकाच्या कामाला गती द्या; मनोज जरांगे पाटील यांना समितीचे...

रब्बी हंगामासाठी वाघुर धरणाच्या दोन्ही कालव्यातून आवर्तन सोडण्याची मागणी !

सुनसगाव येथील पुरुषांच्या शौचालयाची पाईप लाईन व टाकी गेली कुठे ?

भुसावळच्या लक्ष खुशलाणीची विश्वचषकासाठी निवड !

कऱ्हा पानाचे येथील आई प्रतिष्ठानच्या वतीने महात्मा गांधी जयंती उत्साहात साजरी

ममुराबादमधील चोरीस गेलेल्या विद्युत तारांचा तपास लागेना; शेतकरी त्रस्त

चाळीसगाव येथे ३०० बंदी क्षमतेचे खुले जिल्हा कारागृह मंजूर

सुनसगाव परिसरातील शेती शिवारात पिकांचे पंचनामे सुरू !