मुंबई – शिवसेना (उद्धव बाळासाहेब ठाकरे) नेते खासदार संजय राऊत हे भाजप खासदार नारायण राणे यांना धडा शिकवण्याचा तयारीत आहेत. संजय राऊत यांनी नारायण राणे यांच्याविरोधात अब्रुनुकसानीचा दावा दाखल केला आहे. मुलुंडच्या न्यायालयात राऊत यांनी हा दावा दाखल केला आहे.
फेब्रुवारी महिन्यात नारायण राणे यांनी संजय राऊत यांच्यासंदर्भात एक विधान केलं होतं. राणे म्हणाले होते की, ‘राज्यसभेवर निवडून आणण्यासाठी संजय राऊतांसाठी मी पैसे खर्च केले होते. त्यांचं मतदार यादीतसुद्धा नाव नव्हतं’.
या विधानानंतर संजय राऊत यांनी नारायण राणेंना रितसर नोटीस पाठवली होती. या नोटीस मध्ये, ‘विधानाविषयीची माहिती पुराव्यासहित सादर करा’, अशी मागणी करण्यात आली होती. मात्र नारायण राणेंकडून त्या नोटीसीला उत्तर मिळाले नाही. यामुळे आता मुलंडच्या न्यायालयात अब्रुनुकसानीचा दावा दाखल करण्यात आला आहे.
